ქედის მუნიციპალიტეტის მერიამ ერთი ერთეული ტექნიკა, ჩუქუროვას ფირმის ექსკავატორ-დამტვირთველი შეიძინა. დღეს, მუნიციპალიტეტის მერმა როლანდ ბერიძემ სპეც.ტექნიკა შპს ,,ქედის კომუნალურსერვისს“ ოფიციალურად გადასცა.         

  21 ოქტომბერს ქედის კულტურის სახლში, ახალგაზრდობის რეგიონული ცენტრის ორგანიზებით და ქედის მუნიციპალიტეტის მერიის ხელშეწყობით, აჭარის რეგიონული ლიგა მეოთხედ გაიმართა.   ღონისძიებაში აჭარის ექვსივე მუნიციპალიტეტის ახალგაზრდებისგან შემდგარი გუნდები მონაწილეობდნენ, რომლებიც ერთი თვის განმავლობაში გადიოდნენ შესაბამის ვორქშოპებს და რეპეტიციებს.        

2023 წლის 13 ოქტომბერს ქედის მუნიციპალიტეტის საკრებულოს №01-06/14 რიგგარეშე სხდომაზე, რომელსაც საკრებულოს თავმჯდომარე ამირან ცინცაძე უძღვებოდა, მიმდინარე წლის თვითმმართველობის ბიუჯეტში ცვლილებები დაამტკიცეს. სხდომას საკრებულოს სიითი შემადგენლობის 21 წევრიდან 18 ესწრებოდა. საკრებულოს წევრებმა დღის წესრიგით გათვალისწინებული ოთხი საკითხი განიხილეს.       

ლიტერატურული კონკურსის ,,პეგასი" 2023 წლის ტიტული ქედის მუნიციპალიტეტის წარმომადგენელმა ჟანა ანანიძემ მოიპოვა. ხულოს მუნიციპალიტეტში, ლიტერატურულ კონკურსში გამარჯვებულთა დაჯილდოება გაიმართა. პროექტის მხარდამჭერებისაგან და ქედის მუნიციპალიტეტის მერიისგან გამარჯვებულებსა და ფინალისტებს ფასიანი საჩუქრები გადაეცათ.

ქედაში, ,,საზოგადოებრივ სამუშაოებზე სოციალურად დაუცველი მოსახლეობის დასაქმების  ხელშეწყობის" პროგრამის ფარგლებში საინფორმაციო შეხვედრა გაიმართა. შეხვედრას დასაქმების ხელშეწყობის სახელმწიფო სააგენტოს  დირექტორის მოადგილე - ზურაბ მენთეშაშვილი, ადმინისტრაციული და იურიდიული სამსახურის უფროსი - დიმიტრი მაჭავარიანი,    ლოჯისტიკის  სამსახურის წარმომადგენელი  -  დავით თათარაშვილი უძღვებოდნენ.  

ქედის მუნიციპალიტეტის საკრებულოს N01-06/14 რიგგარეშე სხდომა გაიმართება 2023 წლის 13 ოქტომბერს 12:00 საათზე, ქედის მუნიციპალიტეტის ადმისტრაციული შენობის სხდომათა დარბაზში. მისამართი: დაბა ქედა, მ. კოსტავას ქ. N3, ადმინისტრაციული შენობის მეორე სართული. დღის წესრიგი    

 29 სექტემბერს ქედის მუნიციპალიტეტის საკრებულოს თავმჯდომარის, ამირან ცინცაძის ხელმძღვანელობით საკრებულოს N01-06/13 მორიგი სხდომა გაიმართა. სხდომაზე განხილულ იქნა დღის წესრიგით გათვალისწინებული 4 საკითხი.  

ქედის მუნიციპალიტეტის მერის პირველმა მოადგილემ, იმედა ვასაძემ, განათლების, კულტურის, ტურიზმის, სპორტის, ძეგლთა დაცვისა და ახალგაზრდულ საქმეთა სამსახურის უფროსთან, ეკატერინე ქაჯაიასთან ერთად, ხანდაზმული პედაგოგი, ესმა ბერიძე მოინახულა, პროფესიული დღე მიულოცა და ჯანმრთელობა უსურვა.

1 ოქტომბერი ხანდაზმულთა საერთაშორისო დღეა.   ღონისძიება ქედაში მრავალფეროვანი აქტივობებით აღინიშნა.   ღონისძიების ფარგლებში, მერის მოადგილე მამუკა ფარტენაძემ, განათლების, კულტურის, სპორტის, ტურიზმის, ახალგაზრდულ საქმეთა და ძეგლთა დაცვის სამსახურის უფროსთან ეკატერინე ქაჯაიასთან, მერის წარმომადგენელთან დაბა ქედის ადმინისტრაციულ ერთეულში ნაზიმ ჩხეიძესთან ერთად 88 წლის გურამ ჩიკვაიძე მოინახულა, ხანდაზმულთა დღე მიულოცა, ჯანმრთელობა და დიდხანს სიცოცხლე უსურვა. 88 წლის გურამ ჩიკვაიძეს5 შვილი, 14 შვილიშვილი და 16 შვილთაშვილი ჰყავს.    

   საკრებულოს სხდომათა დარბაზში,  ქონების მართვის ახალი პროგრამის (eproperty) პრეზენტაცია და ბუღალტრული აღრიცხვის თანამედროვე სტანდარტების დანერგვის მიზნით ტრენინგი გაიმართა.