,,ქედის მუნიციპალიტეტში 2024 წლის 06-07 თებერვალს განვითარებული სტიქიის(ძლიერი წვიმის) შედეგად დაზარალებული ოჯახების მდგომარეობის შემსწავლელი ადგილობრივი კომისია“ შეიქმნა.

მუნიციპალიტეტის მერი როლანდ ბერიძე, სოფელ ზედა მახუნცეთში სტიქიის შედეგად დაზარალებულ მოსახლეობას შეხვდა.შეხვედრას მახუნცეთის ადმინისტრაციული ერთეულის წარმომადგენელი რევაზ ვარშანიძე და საკრებულოს მაჟორიტარი ლევან ვერძაძე ესწრებოდა. ზედა მახუნცეთში, გეოლოგიურმა სამსახურმა 13 ოჯახი შეისწავლა. ამ ეტაპზე, 3 ოჯახი დროებით გაყვანილია ქირით.

ქედის მუნიციპალიტეტში სტიქიის შედეგად დაზარალებული ოჯახების დასახმარებლად, საქართველოს წითელი ჯვრის საზოგადოებამ ჰუმანიტარული აქცია განახორციელა.

მუნიციპალიტეტის მერმა როლანდ ბერიძემ, ქედაში განვითარებული სტიქიის და მეწყერის სალიკვიდაციო სამუშაოების შესახებ, სამუშაო შეხვედრა გამართა. თათბირზე ისაუბრეს განვითარებული მეწყერის შედეგებზე. ამ დროისთვის, უკვე გახსნილია ცენტრალური საავტომობილო გზის 33 მიმართულება და შიდა-სასოფლო საუბნო გზების 35-მდე მიმართულება. გაწმენდითი სამუშაოები ინტენსიურ რეჟიმში მიმდინარეობს.

მუნიციპალიტეტის მერი როლანდ ბერიძე, პირველ მოადგილესთან იმედა ვასაძესთან, აჭარის საავტომობილო გზების დეპარტამენტის ქედის განყოფილების უფროსთან გოჩა ბერიძესთან და შესაბამისი ადმინისტრაციული ერთეულის წარმომადგენელთან ერთად სოფელ კოკოტაურში გზის გაწმენდითი სამუშაოები მოინახულა.

საქართველოს პრემიერ-მინისტრი ირაკლი კობახიძე ქედის მუნიციპალიტეტის სოფელ პირველ მაისში სტიქიის სალიკვიდაციო სამუშაოებს გაეცნო.

24 საათიან რეჟიმში მიმდინარეობს ქედაში დამეწყრილი ლოკაციების გაწმენდითი სამუშაოები.სამუშაოებში ჩართულია საავტომობილო გზების დეპარტამენტის ტექნიკა და ქედის კომუნალურსერვისის ტექნიკა. ამ ეტაპზე სოფლის ცენტრებამდე მისასვლელი გზები 25 მიმართულებით გაწმენდილია. ასევე, ინტენსიურ რეჟიმში იწმინდება შიდა სასოფლო-საუბნო გზები და საცხოვრებელ სახლებთან განვითარებული მეწყერი, გაწმენდილია 50 ლოკაცია.

მუნიციპალიტეტის მერი როლანდ ბერიძე, პირველ მოადგილესთან იმედა ვასაძესთან ერთად სოფელ ვარჯანისში სტიქიის შედეგად დაზარალებულ მოსახლეობას შეხვდა.

ქედაში, 24 საათიან რეჟიმში მიმდინარეობს დამეწყრილი ლოკაციების გაწმენდითი სამუშაოები. გაწმენდითი სამუშაოები მერმა როლანდ ბერიძემ, აჭარის საავტომობილო გზების დეპარტამენტის უფროსთან მამუკა თურმანიძესთან ერთად ადგილზე მოინახულა. სამუშაოებში საავტომობილო გზების დეპარტამენტის და ქედის კომუნალურსერვისის ტექნიკაა ჩართული.

რთული მეტეოროლოგიური პირობების, დიდთოვლობის შედეგად, ქედაში რამდენიმე ლოკაციაზე ჩამოწვა ზვავი, განვითარდა მეწყრული პროცესები საავტომობილო გზაზე.   ქედის მუნიციპალიტეტში, სოფელ წონიარისში მეწყრის ჩამოწოლის შედეგად გარდაიცვალა პოლიციის დეპარტამენტის ქედის რაიონული სამმართველოს უბნის უმცროსი ინსპექტორი.