ქედის მუნიციპალიტეტის მერიის ადმინისტრაციული სამსახურის ,,გენდერული თანასწორობის ხელშეწყობის მიზნობრივი პროგრამის" ფარგლებში, ძენწმანისა და პირველი მაისის საჯარო სკოლის მოსწავლეებისთვის ტრენინგი თემაზე ,,პროფესიული ორიენტაცია და ტოლერანტობა” გაიმართა.

შეხვედრის მიზანი იყო მოზარდებში ტოლერანტული დამოკიდებულების ჩამოყალიბების ხელშეწყობა, განსხვავებული აზრის, კულტურის, სამყაროს ხედვის აღიარება, რომ ადამიანები განსხვავდებიან ერთმანეთისაგან, მაგრამ თანასწორნი არიან. მოზარდის მიერ პროფესიის არჩევასა და მომავალი საქმიანობისათვის შესაფერისი ობიექტის მიგნებაში, დიდი როლი აკისრია ოჯახსა და სკოლას.

შეხვედრა ახალგაზრდებისთვის საინტერესოდ წარიმართა. ისინი უშუალოდ ჩაერთნენ დისკუსიაში, დააფიქსირეს საკუთარი შეხედულებები თემის ირგვლივ, განიხილეს ფილმები და მაგალითები.

შეხვედრის დასასრულს მოსწავლეებს თემასთან დაკავშირებული სახელძღვანელოები გადაეცათ.

ტრენინგს განათლების სამინისტროს ექსპერტი, ფსიქოლოგი - მაია ბლადაძე უძღვებოდა.