ქედის მუნიციპალიტეტის მერიის ადმინისტრაციული სამსახურის ,,გენდერული თანასწორობის ხელშეწყობის მიზნობრივი პროგრამის" ფარგლებში, ტოლერანტობის საერთაშორისო დღესთან დაკავშირებით მახუნცეთის საჯარო სკოლის მოსწავლეებისთვის ტრენინგი გაიმართა, რომელსაც  დაბა ქედის საჯარო სკოლის თვითმმართველობის თავმჯდომარე  დათუნა ბერიძე უძღვებოდა.

   ქედის მუნიციპალიტეტის საკრებულოს სხდომათა დარბაზში, ქალთა საინფორმაციო ცენტრის ორგანიზებით,  პროექტის ფარგლებში ,,ქალთა გაძლიერება და სრულფასოვანი მონაწილეობა ადგილობრივი გენდერული პოლიტიკის განხორციელებაში“ საკრებულოს თავმჯდომარე ამირან ცინცაძესთან, გენდერული საბჭოს წევრებთან და ქალთა მიმართ ან/და ოჯახში ძალადობის საკითხებზე მომუშავე უწყებათაშორისი კომისიის წევრებთან საინფორმაციო შეხვედრა გაიმართა.    

15 ოქტომბერი სოფლად მცხოვრები ქალების დღეა. თარიღთან დაკავშირებით ქედაში, მუნიციპალიტეტში მცხოვრებ 4 წარმატებულ ქალზე ვიდეო რგოლის ჩვენება და განხილვა გაიმართა.

ქედის მუნიციპალიტეტის საკრებულოს სხდომათა დარბაზში, დამამთავრებელი სკოლის მოსწავლეებისთვის CinéDOC-Tbilisi-ს პლატფორმის მოკლემეტრაჟიანი დოკუმენტური ფილმის ,,პუნამის ბედისწერა“ ჩვენება და დისკუსია გაიმართა, რომელსაც მოწვეული ტრენერი თინათინ გიორგაძე უძღვებოდა.

საკრებულოს სხდომათა დარბაზში, ქედის მუნიციპალიტეტის მერიის გენდერული თანასწორობის საბჭოსა და ქალთა ოთახის ორგანიზებით, გენდერული თანასწორობის ხელშეწყობა/ცნობიერების ამაღლება პროგრამის ფარგლებში ტრენინგი თემაზე ,, ქალთა და მამაკაცთა თანაბარი მონაწილეობა ადგილობრივ თვითმმართველობაში“ გაიმართა, რომელსაც მოწვეული ტრენერი უძღვებოდა.

 ქედის მუნიციპალიტეტის გენდერული საბჭოსა და ღია სივრცე საზოგადოებისთვის ,,ქალთა ოთახის“ მიზნობრივი პროგრამის ,,ქალთა სოციალურ-ეკონომიკური გაძლიერება/ხელშეწყობის" ფარგლებში გამარჯვებულ მონაწილეებთან ხელშეკრულება გაფორმდა. დოკუმენტს ხელი ქედის მუნიციპალიტეტის მერმა როლანდ ბერიძემ და გამარჯვებულმა ბენეფიციარებმა მოაწერეს.

დღეს, "ქალთა სოციალურ-ეკონომიკური გაძლიერება/ხელშეწყობის" პროგრამის ფარგლებში, პროექტის დეტალების დაზუსტების მიზნით ბენეფიციარებთან გასაუბრება გაიმართა. პროექტები განიხილება როგორც პრიორიტეტების, ასევე კანონმდებლობასთან შესაბამისობის გათვალისწინებით.   

დღეს, ქალთა სოციალური-ეკონომიკური გაძლიერება/ხელშეწყობის პროგრამის ფარგლებში საკონკურსო კომისიის მეორე სხდომა გაიმართა, რომელსაც კომისიის თავმჯდომარე იმედა ვასაძე ხელმძღვანელობდა.

ქედის მუნიციპალიტეტის მერიის ქალთა ოთახის მიზნობრივი პროგრამის ,,ქალთა ეკონომიკური გაძლიერების ფარგლებში, საინფორმაციო შეხვედრები მერისის, ოქტომბრის, დოლოგნისა და მახუნცეთის ადმინისტრაციულ ერთეულებში გაიმართა.