2023 წლის 29 აგვისტოს  „მაღალმთიან დასახლებაში მცხოვრებთა სტატუსის მართვის საბჭოს“ რიგითი სხდომა გაიმართა. სხდომის ოქმი

ქედაში, სპორტული მოედნების მოწყობა აქტიურად მიმდინარეობს. დღეს, მუნიციპალიტეტის მერმა როლანდ ბერიძემ, პირველ მოადგილესთან იმედა ვასაძესთან, საკრებულოს წევრთან ლევან ვერძაძესთან და ადმინისტრაციული ერთეულის წარმომადგენელთან ერთად მახუნცეთის ადმინისტრაციულ ერთეულში, სოფელ ზუნდაგაში მინი სპორტული მოედნის სარეაბილიტაციო სამუშაოები მოინახულა.       

 ქედის მუნიციპალიტეტის საკრებულოს N01-06/12 მორიგი სხდომა გაიმართება 2023 წლის 31 აგვისტოს 12:00 საათზე, ქედის მუნიციპალიტეტის ადმისტრაციული შენობის სხდომათა დარბაზში. მისამართი: დაბა ქედა, მ. კოსტავას ქ. N3, ადმინისტრაციული შენობის მეორე სართული. დღის წესრიგი

ქედის ტურიზმის განვითარების ხელშეწყობის ცენტრმა ახალგაზრდებისთვის მოლაშქრეთა კლუბ "ბედნიერი ბილიკები“-ის ფარგლებში მთა ნაკონაღვარზე ლაშქრობა მოაწყო. მუნიციპალიტეტის მერი როლანდ ბერიძე მოლაშქრეებს შეხვდა. ისაუბრეს გამოწვევებისა და საჭიროებების შესახებ, მოისმინა მათი წინადადებები და მხარდაჭერა გამოუცხადა.

2023 წლის 16 აგვისტოს ქედის მუნიციპალიტეტის საკრებულოს №01-06/011 რიგგარეშე სხდომაზე, რომელსაც საკრებულოს თავმჯდომარე ამირან ცინცაძე უძღვებოდა მუნიციპალიტეტის 2023 წლის ადგილობრივი ბიუჯეტის ცვლილებები განიხილეს, მიღებული გადაწყვეტილებით თვითმმართველობის 2023 წლის ბიუჯეტი 1 200 000 ლარით გაიზარდა.  საკრებულოს წევრებმა დღის წესრიგით გათვალისწინებული ორი საკითხი განიხილეს. სხდომას საკრებულოს სიითი შემადგენლობის 21 წევრიდან 12 ესწრებოდა. სხდომაზე პირველ საკითხად განიხილეს და ხმათა უმრავლესობით იქნა მიღებული  „ქედის მუნიციპალიტეტის 2023 წლის ადგილობრივი ბიუჯეტის დამტკიცების შესახებ“ ქედის მუნიციპალიტეტის საკრებულოს 2022 წლის 28 დეკემბრის №22 დადგენილებაში ცვლილების შეტანის თაობაზე ქედის მუნიციპალიტეტის საკრებულოს დადგენილების პროექტი. თვითმმართველობის ბიუჯეტით დამატებით დაფინანსდება ძირითადად ინფრასტრუქტურული სამუშაოები, კერძოდ ზუნდაგის მინი სპორტული მოედნის რეაბილიტაცია, ფრიდონ ხალვაშის სახლმუზეუმის რეაბილიტაცია, შიდა სასოფლო-საუბნო გზების რეაბილიტაცია და სხვა. ბიუჯეტის ცვლილებებში გათვალისწინებულია მუნიციპალიტეტის ტერიტორიაზე გააქტიურებული მეწყერების და რთული ზამთრის პირობებიდან გამომდინარე დამატებით მძიმე ტექნიკის შეძენა, ასევე სოფელ გულების ტერიტორიის გეოლოგიური შემოწმების მომსახურების შესყიდვა. საკრებულომ მეორე საკითხად განიხილა ქედის მუნიციპალიტეტში კულტურის ცენტრთან არსებულ სალოტბარო სკოლაში რეგენტი მგალობლის და ინსტრუმენტების შემსწავლელი პედაგოგის მიმართულებების დამატების თაობაზე წინადადების მოწონების შესახებ  განკარგულების პროექტი, რომელიც ასევე ხმათა უმრავლესობით იქნა მიღებული.  

ქედაში, ინფრასტრუქტურული პროექტის ფარგლებში ხანდაზმულთათვის განკუთვნილი დასასვენებელი სივრცის სამშენებლო სამუშაოები მიმდინარეობს.

„ქედის მუნიციპალიტეტში, დაბა ქედაში სს „აჭარის წყლის ალიანსის“ ჩამდინარე წყლების გამწმენდი ნაგებობის და საკანალიზაციო სისტემის მშენებლობასა და ექსპლუატაციაზე გარემოსდაცვითი გადაწყვეტილების გაცემის შესახებ“  ბრძანება

ქედის მუნიციპალიტეტის საკრებულოს N01-06/11 რიგგარეშე სხდომა გაიმართება 2023 წლის 16 აგვისტოს 15:00 საათზე, ქედის მუნიციპალიტეტის ადმისტრაციული შენობის სხდომათა დარბაზში. მისამართი: დაბა ქედა, მ. კოსტავას ქ. N3, ადმინისტრაციული შენობის მეორე სართული. დღის წესრიგი

საკრებულოს  სხდომათა დარბაზში  ,,სოციალურ-ეკონომიკური განვითარების 2023-2027 წლების სტრატეგიული გეგმის“, სამუშაო ვერსიის შუალედური განხილვა გაიმართა.  შეხვედრას მოწვეული ექსპერტი ნინო ლოლაძე უძღვებოდა. განხილვას ესწრებოდნენ სტრატეგიული გეგმის შემუშავებასთან დაკავშირებით შექმნილი კომისიის წევრები, საკრებულოს წევრები, ადმინისტრაციული ერთეულის წარმომადგენლები და სამოქალაქო სექტორი.  

 15 წელი გავიდა რუსეთ-საქართველოს ომიდან.  დღეს, სოფელ მერისში, 2008 წლის რუსეთ-საქართველოს ომში დაღუპული გმირის - ფრიდონ თურმანიძის ხსოვნას მიაგეს პატივი.