ქედის მუნიციპალიტეტი გილოცავთ საქართველოს დამოუკიდებლობის დღეს!   საქართველოს დამოუკიდებლობის დღისადმი მიძღვნილი ღონისძიებები ქედაში, სიმბოლურად დამოუკიდებლობის სკვერში გაიხსნა. მუნიციპალიტეტის საკრებულოს თავმჯდომარემ, საკრებულოს წევრებმა, მუნიციპალიტეტის მერმა, სხვადასხვა უწყების წარმომადგენლებთან, თვითმმართველობის მოხელეებთან და საზოგადოების წევრებთან ერთად, საქართველოს დამოუკიდებლობის აქტზე ხელმომწერი პირის - ყადირ შერვაშიძის ბიუსტი ყვავილებით შეამკეს.   ღონისძიება ფრიდონ ხალვაშის სახელობის ცენტრალურ პარკში არსებულ სცენაზე, ქედის კულტურის ცენტრთან და სახელოვნებო სკოლასთან არსებული ფოლკლორული, ქორეოგრაფიული ანსამბლები და ინდივიდუალური შემსრულებლების კონცერტი გაიმართა. ასევე, საპრიზო ადგილზე გასული ახალგაზრდები სიგელებითა და ფასიანი საჩუქრებით დაჯილდოვდნენ.   სკვერში მოზარდებმა თემატური ნახატების გამოფენა მოაწყვეს. ღონისძიება ანსამბლ ,,ელესას“ ფოლკლორული ნომრების ფონზე მიმდინარეობდა.   17:10 საათი - შესრულდა საქართველოს სახელმწიფო ჰიმნი.    

   ქედის მუნიციპალიტეტის მერმა მამუკა თურმანიძემ და საკრებულოს თავმჯდომარე ამირან ცინცაძემ მოწვეულ სტუმრებს დამოუკიდებლობის დღე და ქრისტიანობის სახელმწიფო რელიგიად გამოცხადების 1700 წლის იუბილე მიულოცეს და სპორტულ აქტივობებში გამარჯვებული ახალგაზრდები სიგელებითა და ფასიანი საჩუქრებით დააჯილდოვეს.