ქედის წმ. ნიკოლოზის სახელობის ტაძარში აწყურისა და ივერიის ყოვლადწმინდა ღვთისმშობლის ხატები დააბრძანეს. ხატების საქართველოს რეგიონებში მოგზაურობა ეძღვნება საქართველოს ეკლესიის ავტოკეფალიის აღდგენის 100, უწმინდესისა და უნეტარესის, საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის ილია II-ის აღსაყდრებიდან 40 და დაბადებიდან 85 წლისთავს. ქედის მუნიციპალიტეტში ხატები დარძანებული იქნებიან ერთი კვირის მანძილზე - 03.09.2017-დან 10.09.2017-მდე. კვირის განმავლობაში საიუბილეო თარიღებისადმი მიძღვნილი საღვთისმსახურო მსახურება ჩატარდება ქედის წმ. ნიკოლოზის სახელობის ტაძარში. ყოველდღიურად (წირვის შემდეგ და საღამოს 19:00 საათზე) გაიმართება ხატების მოგზაურობასთან დაკავშირებული საგანმანათლებლო შეხვედრები მრევლთან. ორგანიზებას საქართველოს საპატრიარქო - სხალთის ეპარქია და საზოგადოება „ივერიისა“ გაუწევს.