დღეს, ქედის მუნიციპალიტეტის საკრებულოს ბიუროს სხდომა გაიმართა. წევრებმა იმსჯელეს დღის წესრიგით გათვალისწინებულ იმ საკითხებზე, რომლებიც  ოთხივე მუდმივმოქმედი კომისიის სხდომაზე განიხილეს.   ბიუროს გადაწყვეტილებით, საკრებულოს მორიგი სხდომა 2026 წლის 31 ივლისს, 12 საათზე გაიმართება.   სხდომას საკრებულოს თავმჯდომარე ამირან ცინცაძე ხელმძღვანელობდა.

სოფლებში ატრაქციონებისა და სავარჯიშო ტრენაჟორების მოწყობა მუნიციპალიტეტის ერთ-ერთი მნიშვნელოვანი პრიორიტეტია, რომელიც მიზნად ისახავს თანამედროვე, უსაფრთხო და კეთილმოწყობილი საზოგადოებრივი სივრცეების შექმნას. აღნიშნული პროექტები ხელს უწყობს ახალგაზრდებში ჯანსაღი ცხოვრების წესის დამკვიდრებას, ხოლო ბავშვებისა და ადგილობრივი მოსახლეობისთვის იქმნება დამატებით, კომფორტული და მრავალფუნქციური რეკრეაციული სივრცეები, რაც მნიშვნელოვნად აუმჯობესებს სოფლებში ცხოვრების ხარისხსა და დასვენების შესაძლებლობებს.