ქედის მუნიციპალიტეტის 2018 წლის ბიუჯეტის პროექტი, რომელიც დღეს მერიის საფინანსო-საბიუჯეტო სამსახურის უფროსმა ჯემალ ტაკიძემ აუდიტორიას პრეზენტაციის სახით წარუდგინა, საჯაროდ განიხილეს. განხილვას საზოგადოების წევრები, მოქალაქეები, მერის მრჩეველთა საბჭოს წარმომადგენლები და თვითმმართველობის წევრები ესწრებოდნენ. განხილვა კითხვა-პასუხის რეჟიმში მიმდინარეობდა. მოქალაქეებისთვის საინტერესო კითხვებს, მუნიციპალიტეტის მერი ლევან გორილაძე და საკრებულოს თავმჯდომარე შუქრი თურმანიძე პასუხობდნენ.