სხვადასხვა ასაკობრივ ჯგუფზე გათვლილი ,,დისნეი ლენდის" გასართობი შოუ პროგრამები, სახის მოხატვა, ვოკლაურ-ინსტრუმენტალური ანსამბლი ,,ინდიგო"-სა და ფოლკლორული ანსამბლ ,,იასამანი"-ს კონცერტი - ეს მოკლე ჩამონათვალია იმ ღონისძიებებისა, რომელსაც დღეს მოწვეული ქედაში მცხოვრები პატარები ანშლაგით ესწრებოდნენ. ამინდის გაუარესების გამო, პატარებისადმი მიძღვნილმა ღონისძიებებმა რუსთაველის პარკის ნაცვლად, სასპორტო სკოლის დარბაზში გადაინაცვლა. ,,კარგად გავერთე, სახალისო ნომრებით ბევრი ვიმხიარულეთ მე და ჩემმა კლასელებმა. ყველა ჩემს თანატოლს ვულოცავ დღევანდელ დღეს!" - აღნიშნა 9 წლის ქეთი დევაძემ. ღონისძიებების ორგანიზატორი ქედის მუნიციპალიტეტის გამგეობის განათლების, კულტურის, სპორტის, ტურიზმის, ახალგაზრდულ საქმეთა და ძეგლთა დაცვის სამსახურია. პროგრამის ბიუჯეტი 1300 ლარს შეადგენს.