ქედაში, ,,ძველი საცხოვრებელი სახლების მქონე ოჯახებზე ახალი საცხოვრებელი სახლების შეცვლის“ პროგრამის ფარგლებში 4 ახალი საცხოვრებელი სახლის მშენებლობა მიმდინარეობს.

სოფელ უჩხითში თენგო ცინცაძის საცხოვრებელი სახლის სამშენებლო სამუშაოები ქედის მუნიციპალიტეტის მერმა როლანდ ბერიძემ, მუნიციპალიტეტის დეპუტატ აჭარის უმაღლეს საბჭოში მამუკა თურმანიძესთან და პირველ მოადგილე იმედა ვასაძესთან ერთად დაათვალიერა.

ქედის მუნიციპალიტეტის მერიას, პროგრამის ფარგლებში თენგო ცინცაძის ექვს სულიან ოჯახი დროებით ქირით ჰყავს გაყვანილი. ცინცაძეების ოჯახს საცხოვრისი გასულ წელს ხანძრის შედეგად დაეწვა.

ასევე აქტიურად მიმდინარეობს სოფელ ცხმორისში, კვაშტასა და სირაბიძეებში ახალი საცხოვრებელი სახლის სამშენებლო სამუშაოები.

მიმდინარე წელს აღნიშნული პროგრამისთვის 400 000 ლარია გამოყოფილი.

,,ძველი საცხოვრებელი სახლების მქონე ოჯახებზე ახალი საცხოვრებელი სახლების შეცვლის“ პროგრამა 2019 წლიდან ამოქმედდა და დღეის მდგომარეობით სულ 22 თანამედროვე ტიპის სახლი აშენდა.