სიახლეები

9 მაისი ქედაში წელს სამწუხაროდ სამამულო ომის ვეტერანის გარეშე გაიმართა. მიუხედავად ამისა, ფაშიზმზე გამარჯვების დღე სხვადასხვა ღონისძიებებით აღნიშნა. მუნიციპალიტეტის პირველმა პირებმა, ძალოვანი სტრუქტურების ხელმძღვანელებმა, თვითმმართველობის მოხელეებმა და საზოგადოების წევრებმა, გვირგვინებითა და ყვავილებით შეამკეს დაბა ქედაში არსებული მეომრიალური დაფა, წონისრისის მემორიალური ტანკი და ცხმორისის სამამულო ომის კუთხე.

არასამთავრობო ორგანიზაცია ,,დახმარების ეროვნული ფონდის" - NAF-ის ერთ-ერთმა დამფუძნებელმა ნინო ავალიანმა, ქედაში საქმიანი შეხვედრა მუნიციპალიტეტის პირველ პირთან დავით დუმბაძესთან და ა(ა)იპ ქედის ზრდასრულთა განათლების ცენტრის დირექტორთან დავით ანანიძესთან გამართა. 

,,ფსიქიატრიული ამბულატორიული სერვისის დამატებით, მობილური (გასვლითი) გუნდებით უზრუნველყოფა" - ეს გამგეობის ჯანმრთელობისა და სოცილაური დაცვის სამსახურის ის ახალი პროგრამაა, რომლის განხორციელებასაც თვითმმართველობა მიმდინარე წლის 1 ივნისიდან გეგმავს. 

არასამთავრობო ორგანიზაცია ,,ახალგაზრდა მეცნიერთა კავშირ - ინტელექტსა" და ქედის ,,ქალთა ოთახს" შორის გაფორმებული მემორანდუმის საფუძველზე, დღეს მიმდინარე სერვისის - უფასო იურიდიული მომსახურების მონიტორინგი გამიმართა.

შვეიცარიის განვითარებისა და თანამშრომლობის სააგენტოს (SDC) წარმომადგენლები შანტალ ფელდერი და შანტალ ოთრამარი, ასევე ამ სააგენტოს წარმომადგენლები თბილისიდან - ია ცაგარეიშვილი და ბექა გონაშვილი, ,,კავკასიის ალიანსების პროგრამის" გუნდის ლიდერი ჰელენ ბრადბერი და მისი მოადგილე გიორგი სადუნიშვილი, მერსი ქორფსის წარმომადგენლებთან ერთად, მათ მიერ დაფინანანსებული პროგრამის ფარგლებში ქედაში გახსნილისერვისის ,,ქალთა ოთახი"-ს მუშაობას გაეცნენ და ბენეფიციარებთან შეხვედრა გამართეს.

ამ წუთებში ქედის მუნიციპალიტეტის გამგებელი დავით დუმბაძე, აჭარის ა რ საავტომობილო გზებისა და სამელიორაციო სისტემების მართვის დეპარტამენტის მელიორაციის განყოფილების უფროსი რეზო დევაძე და დეპარტამენტის ქედის წარმომადგენელი გოჩა ბერიძე სამუშაო შეხვედრას მართავენ.

ვაიოს საჯარო სკოლის გოგონათა და ვაჟთა გუნდები ,,სასკოლო სპორტული ილიმპიადა 2017"-ის რეგიონალური თამაშების გამარჯვებულია. გუნდებმა მორიგი წარმატებით დასავლეთ საქართველოს ზონალურ თამაშებში მონაწილეობის საგზური მოიპოვეს.

ქედის ცენტრალური ბიბლიოთეკის ხელმძღვანელმა გულნაზ ხაბაძემ, საბიბლიოთეკო დღეების ფარგლებში, დღეს გაწეული მუშაობის შესახებ ანგარიში საზოგადოებას გააცნო.

ქედაში ახალი, უპრეცენდენტო სერვისი - ,,ველოსიპედისტთა კლუბი" უკვე ამოქმედდა. კლუბის წევრებმა დღეს პირველი სატესტო მსვლელობა მოაწყვეს დაბა ქედაში - სტარტი თამარის ქუჩიდან აიღეს და აბუსერისძის, 26 მაისისა და კოსტავას ქუჩების გავლით დაასრულეს.

საქართველოს სახელმწიფო ელექტროსისტემის წარმომადგენლებმა, ადგილობრივ ხელისუფლებასთან და კოკოტაურის მოსახლეობასთან ერთად, დღეს სახელმწიფო მნიშვნელობის პროექტი - ბათუმი-ახალციხის 220 კილოვატიან ორჯაჭვიანი ელექტროგადამცემი ხაზის მშენებლობა განიხილეს.