სიახლეების არქივისოფელ მერისში, 8 აგვისტოს ომში დაღუპულ ეროვნულ გმირს ადგილობრივი პატივი მიაგეს
8 აგვისტო 2024
დღეს, სოფელ მერისში, რუსეთ-საქართველოს ომის 16 წლისთავთან დაკავშირებით, პატივი მიაგეს დაღუპული ეროვნული გმირის ხსოვნას.
ქედის მუნიციპალიტეტის სოფელ მერისში მცხოვრები უმცროსი სერჟანტი ფრიდონ თურმანიძე - 2008 წლის 10 აგვისტოს, რუსეთ-საქართველოს ომის დროს, სოფელ ყელქცეულში 28 წლის ასაკში დაიღუპა. დატოვა 2 მცირე წლოვანი შვილი, მეუღლე და მშობლები.
გმირი ფრიდონ თურმანიძე ვახტანგ გორგასლის II ხარისხის ორდენითაა დაჯილდოებული.
მუნიციპალიტეტის მერმა როლანდ ბერიძემ, საკრებულოს თავმჯდომარე ამირან ცინცაძემ, სამხედრო აღრიცხვის, გაწვევისა და რეკრუტირების ქედის მუნიციპალური განყოფილების უფროსმა მაიორმა მუხრან ბერიძემ, ადგილობრივი თვითმმართველობის მოხელეებმა, სხვადასხვა უწყების წარმომადგენლებმა და საზოგადოების წევრებმა გმირის საფლავი საქართველოს დროშით, გვირგვინითა და ყვავილებით შეამკეს.
