ქედის კულტურის ცენტრში, დღეს სიმღერისა და ცეკვის ბავშვთა ფოლკლორული ანსამბლების ოლიმპიადის პირველი ტური გაიმართა.

ოლიმპიადა აჭარის ა რ ავტონომიური რესპუბლიკის განათლების, კულტურისა და სპორტის სამინისტროს პროგრამის - ,,არამატერიალური კულტურული მემკვიდრეობის დაცვა და პოპულარიზაცია" ფარგლებში იმართება, რომლის ფინანსური მხარდამჭერი მუნიციპალიტეტში ქედის მერიაა.

სკოლისგარეშე სახელოვნებო საგანმანათლებლო დაწესებულებების, კულტურის ცენტრებისა და საჯარო სკოლების საგუნდო და ქორეოგრაფიულ ანსამბლებს კომპეტენტური ჟიური აფასებს.

ოლიმპიადის მეორე ტური 8 მაისს, ხოლო 10 მაისს ფინალური ეტაპი - დაჯილდოება გაიმართება.

ქედის თვითმმართველობა წარმატებებს უსურვებს მონაწილე ანსამბლებს!