,,შიდა საუბნო გზების მოწესრიგების" პროგრამას ქედის მერია, ბოლო წლების განმავლობაში, აქტიურად და წარმატებით ახორციელებს.

წელს პროგრამის ბიუჯეტი 503 700 ლარამდეა, რომლის ფარგლებში მოწესრიგდება გზის ავარიული მონაკვეთები, გატარდება პრევენციული ღონისძებები და კეთილმოეწყობა საუბნო საავტომობილო გზები.

პროგრამის ფარგლებში, მერის პირველი მოადგილე როლანდ ბერიძე, მონიტორინგის ჯგუფთან ერთად სოფელ ჩეტკიძეებში, ავარიული შიდა საუბნო გზის მოწესრიგების პროცესს ადგილზე გაეცნო, რომელიც წლების განმავლობაში გადაუჭრელ პრობლემად რჩებოდა. აღნიშნული პროექტის ბიუჯეტი 173 000 ლარია და მალე, ადგილობრივები უსაფრთხოდ შეძლებენ სოფელში გადაადგილებას.