ამ წუთებში, გამგეობაში აჭარის სატყეო სააგენტოსა და ადგილობრივი თვითმმართველობის მოხელეებს შორის სამუშაო შეხვედრა მიმდინარეობს. შეხვედრაზე განიხილავენ მიმდინარე სეზონზე დროულად მოსახლეობის შეშით უზრუნველყოფის, ტყეკაფებისა და გზის მშენებლობების საკითხს, ასევე იმსჯელებენ საკითხებთან დაკავშირებით არსებული პრობლემების ერთობლივი გადაჭრის გზებზე. შეხვედრას უძღვებიან გამგებელი დავით დუმბაძე, სატყეო სააგენტოს უფროსი თემურ ყურშუბაძე, მოადგილე ჯუმბერ აბულაძე, ქედის სატყეო ადმინისტრაციის უფროსი ჯემალ ბერიძე, გამგებლის პირველი მოადგილე გურამ ბერიძე და გამგებლის წარმომადგენლები ადმინისტრაციულ ერთეულებში.