ქედის მუნიციპალიტეტის თხუთტმეტივე საბავშვო ბაღში, სასკოლო მზაობის ჯგუფების გამოსაშვები საღამოები, ექსკურსიები, სხვადასხვა ღონისძიებები ეწყობა. დღეს მუნიციპალიტეტის გამგებელი დავით დუმბაძე დოლოგნის საბავშვო ბაღს ეწვია და აღსაზრდელებს სკოლისაკენ გზა დაულოცა. მუნიციპალიტეტის პირველი პირი ბაღში მიმდინარე სარემონტო სამუშაოებსაც გაეცნო. აღსანიშნავია რომ ბაღის პირველი სართულის რემონტი, ეზოს კეთილმოწყობა და ფასადის შეღებვა ამ ეტაპზეც მიმდინარეობს, რისთვისაც ადგილობრივი ბიუჯეტიდან 68 868 ლარი იხარჯება და მას ტენდერში გამარჯვებული ფირმა ,,დ.ხ. კომპანი" აწარმოებს. სარემონტო სამუშაოები სრულად 25 აგვისტოს დასრულდება. გამგეობის პროგრამის ფარგლებში პარალელურად წონიარისის საბავშვო ბაღის რემონტიც მიმდინარეობს, რომლის ბიუჯეტი 50 000 ლარია.