ქედის მუნიციპალიტეტის საკრებულოში მორიგი №01-06/04 სხდომა გაიმართა, რომელსაც საკრებულოს თავმჯდომარე შუქრი თურმანიძე უძღვებოდა. საკრებულოს წევრებმა დღის წესრიგით გათვალისწინებული 3 საკითხი განიხილეს.

საკრებულომ დაამტკიცა ქედის მუნიციპალიტეტის ტერიტორიაზე სოფლის მხარდაჭერის პროგრამის ფარგლებში 2021 წელს განსახორციელებელი ის ღონისძიებები, რომელიც აღნიშნული პროგრამის მიხედვით მოსახლეობამ თავად გადაწყვიტა.

საკრებულოს გადაწყვეტილებით მერს მიეცა თანხმობა დაბა ქედა აკ. წერეთლის ქ. №4 (ყოფილი №3)-ში მდებარე შენობა-ნაგებობის პირველ სართულზე მუნიციპალიტეტის საკუთრებაში არსებული 242.3 კვ.მ. ფართობის სსიპ - კოლეჯი „ბლექსი“-სათვის პირდაპირი განკარგვის წესით, სარგებლობის უფლებით, უვადოთ, უსასყიდლო უზუფრუქტის ფორმით გადაცემასთან დაკავშირებით.

საკრებულოს წევრებმა მოისმინეს და ცნობად მიიღეს ქედის მუნიციპალიტეტის ადგილობრივი ბიუჯეტის 2021 წლის I კვარტლის შესრულების შესახებ ანგარიში.