მიმდინარე წელს ქედის თხუთმეტივე საბავშვო ბაღში, სასწავლო პროცესი დღეს ბოლოჯერ გაიმართა. უმეტეს ბაღში სააღმზრდელო პროცესი საახალწლო პრეზენტაციებით დაიხურა. საკრებულოს თავმჯდომარე შუქრი თურმანიძე, გამგებლის მოადგილე გურამ ბერიძე და თვითმმართველობის მოხელეები, მერისის საბავშვო ბაღის აღსაზრდელების მიერ გამართულ პრეზენტაციას ესწრებოდნენ. ხელმძღვანელმა პირებმა პატარებს დამდეგი ახალი წელი მიულოცეს და ტკბილეულით დაასაჩუქრეს. სასწავლო პროცესი ქედის სკოლამდელი აღზრდის დაწესებულებებში 2018 წლის 15 იანვარს განახლდება. ქედის თვითმმართველობა პატარებს, პედაგოგებსა და მშობლებს ბედნიერ არდადეგებს უსურვებს!