დღეს, ქედის მერმა ლევან გორგილაძემ, საკრებულოს თავმჯდომარესთან შუქრი თურმანიძესთან ერთად, თურქეთის გენერალურ კონსულს ქალაქ ბათუმში - მაქბულე ქოჩაკს ოფიციალურად უმასპინძლა. კონსული მუნიციპალიტეტის პირველ პირებთან ერთად ჯერ ახალგაზრდების მიერ ქედის ცენტრში ორგანიზებულ, საქართველოს დამოუკიდებლობის 100 წლისთავისადმი მიძღვნილ ფლეშმობს - სახელწოდებით ,,ხორუმს" დაესწრო, რომლის შემდგომ შეხვედრა მერის სამუშაო ოთახში გაგრძელდა. შეხვედრა გაცნობითი ხასიათის იყო, რომლის დასასრულს მხარეებმა სიმბოლური საჩუქრები გაცვალეს და სამომავლო თანამშრომლობაზე შეთანხმდნენ.