სიახლეების არქივიქედაში რამდენიმე ლოკაციაზე ჩამოწვა ზვავი, განვითარდა მეწყრული პროცესები საავტომობილო გზაზე
6 თებერვალი 2024
რთული მეტეოროლოგიური პირობების, დიდთოვლობის შედეგად, ქედაში რამდენიმე ლოკაციაზე ჩამოწვა ზვავი, განვითარდა მეწყრული პროცესები საავტომობილო გზაზე.
ქედის მუნიციპალიტეტში, სოფელ წონიარისში მეწყრის ჩამოწოლის შედეგად გარდაიცვალა პოლიციის დეპარტამენტის ქედის რაიონული სამმართველოს უბნის უმცროსი ინსპექტორი.
ქედის მუნიციპალიტეტის მერია ღრმა მწუხარებას გამოთქვამს თემურ ბარამიძის გარდაცვალების გამო და უსამძიმრებს ოჯახს.
ქედის მუნიციპალიტეტში დაიმეწყრა როგორც ადგილობრივი მნიშვნელობის, ასევე ცენტრალური საავტომობილო გზები. მიმდინარეობს 33 მიმართულებით დამეწყრილი ლოკაციების გაწმენდითი სამუშაოები. მობილიზებულია საავტომობილო გზების დეპარტამენტის და ქედის კომუნალურსერვისის ტექნიკა.
ქედის მუნიციპალიტეტში შექმნილია საგანგებო შტაბი, სამუშაო პროცესებში ჩართულია ყველა შესაბამისი უწყება.
