მოსწავლეთა სპორტული ოლიმპიადის ფარგლებში, 9 მარტს ქედის საჯარო სკოლის გუნდებს შორის შეჯიბრი გაიმართა მაგიდის ჩოგბურთსა და ფრენბურთში გოგონათა შორის. ჩვეულებისამებრ, მაგიდის ჩოგბურთში პირველი ადგილი ვაიოს სექციამ არავის დაუთმო, ხოლო ფრენბურთში გამარჯვებული დანდალოს საჯარო სკოლის გუნდი მეორე ეტაპზე უკვე აჭარის პირველობისთვის იბრძოლებს. ოლიმპიადა გამგეობის სპორტისა და ახალგაზრდულ საქმეთა განყოფილების პროგრამის ფარგლებში და ქედის რესურსცენტრის ორგანიზებით ხორციელდება. გამარჯვებული გუნდები მედლებით, თასებითა და სიგელებით დაჯილდოვდნენ.