ქედის მუნიციპალიტეტის გამგეობის 2017 წლის ინფრასტრუქტურული პროექტების ფარგლებში, 42 კაპიტალური პროექტის განხორციელებაა დაგეგმილი. ნაპირსამაგრი სამუშაოები, სასმელი წყლის მაგისტრალის მშენებლობები, აწჰესისა და დაბის კეთილმოწყობები, ტურისტული ინფრასტრუქტურის მოწესრიგება, გარე განათებების ქსელის გაფართოება, მინი სპორტული მოედნების მშენებლობა-რეაბილიტაცია, საბავშვო ბაღების რემონტი და ა.შ. - ეს მოკლე ჩამონათვალია იმ პროექტებისა, რისთვისაც ადგილობრივი ბიუჯეტიდან 5 877 839 ლარი დაიხარჯება. მიმდინარე 21 პროექტი უქმეეებზე, მუნიციპალიტეტის პირველმა პირმა, გამგეობის არქიტექტურისა და სივრცითი მოწყობის თანამშრომლებთან ერთად, პირადად დაათვალიერა. აღსანიშნავია, რომ 5 ინფრასტრუქტურული პროექტი უკვე დასრულებულია, ხოლო 16 პროექტი სატენდეროდაა მომზადებული. ქედის მუნიციპალიტეტში ინფრასტრუქტურული პროექტების განხორციელება აქტიურ ფაზაშია.