მე-10 საერთაშორისო ტურისტულ გამოფენაზე ,,EXSPO BATUMI-2017", ქედა წელსაც მრავალფეროვანი კუთხით წარსდგა. ტრადიციული რეწვის ნიმუშები, ნაქარგობები, ხელნაკეთობები, ტრადიციული სამზარეულო, ინდივიდუალური შემსრულებლები, ფოლკლორული ანსამბლები და ა.შ. - ეს მოკლე ჩამონათვალია, რამაც დამთვალიერებელთა განსაკუთრებული მოწონება დაიმსახურა. საერთაშორისო გამოფენაში მონაწილეობას ორგანიზებას ქედის კულტურის ცენტრი უწევს, ხოლო ფინანსური მხარდამჭერი გამგეობის განათლების, კულტურის, სპორტის, ტურიზმის, ახალგაზრდულ საქმეთა და ძეგლთა დაცვის სამსახურია. გამოფენა დღეს ოფიციალურად გაიხსნა და კიდევ 2 დღე გაგრძელდება. ქედის კუთხე დღეს ასევე ვიზიტორთა სიმრავლით გამოირჩეოდა.