დღეს, ახალგაზრდა მეცნიერთა კავშირიმა ,,ინტელექტმა" ქედის მუნიციპალიტეტის საკრებულოსა და მერიის წარმომადგენლებისათვის, საქართველოში დაბრუნებულ მიგრანტთა სარეინტეგრაციო დახმარების სახელმწიფო პროგრამის პრეზენტაცია გამართა.

აღნიშნული პროგრამის მიზანია სამშობლოში დაბრუნებული არალეგალური მიგრანტების სოციალურ-ეკონომიკური მდგომარეობის გაუმჯობესებისა და გრძელვადიან პერსპექტივაზე გათვლილი ცხოვრების ღირსეული პირობების ჩამოყალიბების ხელშეწყობა.

პროგრამის ფარგლებში, ბენეფიციარებიათვის გათვალისწინებულია სამედიცინო მომსახურებისა და მედიკამენტების, მათ შორის ფსიქო-სოციალური რეაბილიტაციის დაფინანსება; სოციალური მომსახურბეის სააგენტოს სამუშაოს მაძიებელთა ფროფესიული მომზადება-გადამზადების და კვალიფიკაციის ამაღლების პროგრამაში ჩართვა; შემოსავლის წყაროს გაჩენისა და თვითდასაქმების ხელშეწყობის მიზნით, სოციალური პროექტების დაფინანსება.

ახალგაზრდა მეცნიერთა კავშირი ,,ინტელექტი'', პროგრამას ახორციელებს აჭარის ავტონომიურ რესპუბლიკასა და გურიის რეგიონში.

პროგრამის ფინანსური მხარდამჭერია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.