პროექტი ,,ინტელექტის დღე 2018" საქართველოს ზოგადსაგანმანათლებლო სკოლების ჩემპიონატით გაიმართა ინტელექტუალურ თამაშში ,,რა? სად? როდის?"

პროექტში ქედის მუნიციპალიტეტიც ჩაერთო. მერიის სპორტისა და ახალგაზრდულ საქმეთა განყოფილების ორგანიზებით, პირველი ეტაპი მუნიციპალიტეტში გაიმართა. 16 გუნდს შორის პირველი ადგილი უჩხითის საჯარო სკოლამ მოიპოვა, რომელიც ფინალურ ტურნირში (73 მუნიციპალური ჩემპიონის მონაწილეობით) 13 ოქტომბერს თბილისში, სასტუმრო “Hualing Tbilisi”-ში გაემგზავრა.

პროექტის მიზანია საქართველოს მოსწავლე-ახალგაზრდობის ინტელექტუალური დონის ამაღლება, წიგნიერებისა და ცოდნის წახალისება, მოსწავლე-ახალგაზრდების თვითრეალიზაციის ხელშეწყობა.

ქედელი ახალგაზრდების მონაწილეობის ხარჯები ქედის მერიამ გაიღო.