გერმანიის საერთაშორისო თანამშრომლობის საზოგადოების (GIZ) ორგანიზებით გერმანიის მთავრობის მიერ დაფინანსებული პროექტის „კარგი ფინანსური მმართველობა ადგილობრივ დონეზე საქართველოში“ (GFG) პრეზენტაცია გაიმართა. აღნიშნული პროექტის კონცეფციას და მიზანი წარმოადგენს საქართველოს ფინანსთა სამინისტროსთან და შერჩეულ 8 მუნიციპალიტეტთან (ახალციხე, დუშეთი, თელავი, ოზურგეთი, რუსთავი, ქედა, ხაშური, ხარაგაული) მჭიდრო სტრატეგიული თანამშრომლობის შედეგად, ადგილობრივი თვითმმართველობის დონეზე საჯარო ფინანსების მართვის სისტემის გაუმჯობესებას, ადგილობრივი და ეროვნული ჩარჩოს დახვეწას.

გერმანიის ეკონომიკური თანამშრომლობისა და განვითარების ფედერალური სამინისტროს (BMZ) მხარდაჭერით, გერმანიის საერთაშორისო თანამშრომლობის საზოგადოება (GIZ) საქართველოში 1992 წლიდან წარმატებით მუშაობს. 2023 წლის აპრილიდან GIZ-მა რეგიონული მასშტაბით ახალი სამწლიანი პროექტის, „კარგი ფინანსური მმართველობა ადგილობრივ დონეზე საქართველოში“ განხორციელება დაიწყო. საქართველოს ფინანსთა სამინისტროსა და 8 მუნიციპალიტეტთან სტრატეგიული თანამშრომლობით, პროგრამა ხელს შეუწყობს შედეგზე ორიენტირებულ, გენდერულად სენსიტიურ და მონაწილეობით საბიუჯეტო პროცესებს ადგილობრივ დონეზე.

ღონისძიება სასტუმრო ,,რუმსში“ გაიმართა, რომელსაც ქედის მუნიციპალიტეტის მერი როლანდ ბერიძე და საფინანსო საბიუჯეტო სამსახურის უფროსი ჯემალ ტაკიძე ესწრებოდნენ.