ქედაში, სოფელ გეგელიძეებში ფრიდონ და ზაზა ხალვაშების ხელოვნების სივრცეში ანიმაციური ფილმების საბავშვო ფესტივალი ,,ექო თოფუზი“ გაიმართა.

ღონისძიებაში ა(ა)იპ ქედის სახელოვნებო სკოლასთან არსებული სტუდიის ,,ანიმაციის დამამზადებელი საამქროს“ და ადგილობრივი საჯარო სკოლის მოსწავლეები მონაწილეობდნენ.

ფესტივალის ფარგლებში ნაჩვენები იქნა თანამედროვე ქართული ანიმაციური ფილმები, ასევე გაიმართა ანიმაციური ფილმწარმოების ინტერაქტიული ვორქშოფი.

ღონისძიება განათლების, კულტურის, სპორტის, ტურიზმის, ახალგაზრდულ საკითხთა და ძეგლთა დაცვის სამსახურის ,,კულტურის განვითარების ხელშეწყობის ქვეპროგრამის“ ფარგლებში გაიმართა.