12 ივლისს, ქედის მერიაში, მუნიციპალიტეტის ტერიტორიაზე ძველი ამორტიზირებული საცხოვრებელი სახლების ახლით შეცვლის შერჩევის მიზნით შექმნილი კომისიის სხდომა გაიმართა, რომელსაც მერის პირველი მოადგილე - როლანდ ბერიძე უძღვებოდა. მუნიციპალიტეტის ტერიტორიაზე ძველ ამორტიზირებულ სახლებში მცხოვრები ოჯახებიდან დაზიანებული საცხოვრებელი სახლის გამაგრების ან ავარიული საცხოვრებელი სახლიდან გაყვანის მოთხოვნით სულ შემოსული იყო 25-მდე განცხადება. პირველ ეტაპზე, კომისიამ 3 ყველაზე სოციალურად დაუცველი ოჯახი შეარჩია, რომელისთვისაც საცხოვრებელი სახლები აშენდება.