22 მაისს, თბილისის რუსთაველის თეატრში, ფონდი ,,ქართული გალობის" რიგით მეხუთე, საიუბილეო დაჯილდოება-კონცერტი გაიმართა. ,,თირინი" და ,,ფათიკო" -
ამ არაჩვეულებრივი ნომრებით ქედის კულტურის ცენტრთან არსებული ანსამბლი ,,მოყვარე" წარსდგა. ,,ქართული
ფოლკლორის მოამაგის" ნომინაციაში გამარჯვებულად დასახელდა - ლოტბარი ამირან თურმანიძე (მერისი)! მას ასევე ფულადი ჯილდო - 2 000 ლარის ოდენობით გადაეცა.
ქედის მუნიციპალიტეტის თვითმმართველობა ულოცავს ბატონ ამირანს ქართული სიმღერის უსაზღვრო სიყვარულისთვის, შემონახვისთვის, ერთგულებისთვის, გაწეული ჯაფისთვის მიღებულ ჯილდოს და ,,ქართული გალობის" ფონდს მუნიციპალიტეტის სახელით მადლობას უხდის ქედის ანსამბლების ღირსეულად წარმოჩენისთვის!