დღეს, 9 აპრილის სკვერში ქედის მუნიციპალიტეტის მერი როლანდი ბერიძე, საკრებულოს თავმჯდომარე ამირან ცინცაძე, მოადგილეები, ადგილობრივი თვითმმართველობის მოხელეები, ქედის ხანდაზმულთა კლუბის წევრები შეიკრიბნენ და მემორიალი სიმბოლურად ტიტებით, გვირგვინით და სანთლებით შეამკეს.

1989 წლის 9 აპრილის ტრაგედიამ დასაბამი მისცა საქართველოს თავისუფლებისა და სახელმწიფოებრივი დამოუკიდებლობის აღდგენის პროცესს.

დამოუკიდებლობისათვის ბრძოლაში 21 დაღუპულის სულის მოსახსენებელი პანაშვიდი სხალთის ეპარქიის დეკანოზმა ევდემოზ ალელიშვილმა და დეკანოზმა ბართლომე ჩხიკვაძემ გადაიხადა.

საგალობლები ქედის კულტურის ცენტრთან არსებულმა ვაჟთა ფოლკლორულმა ანსამბლმა ,ელესამ" შეასრულა.