დღეს, აუტიზმის შესახებ ცნობადობის ამაღლების მსოფლიო დღეა

ქედაში, ოქტომბრის ადმინისტრაციულ ერთეულში აუტიზმის შესახებ ცნობიერების ამაღლების მიზნით, მოსახლეობასთან ტრენინგი თემაზე: „აუტისტური სპექტრის გამოვლენა და ქცევის პოზიტიური მართვა" გაიმართა.

2 აპრილი აუტიზმის მსოფლიო დღედ გაეროს გენერალურმა ასამბლეამ 2007 წლის 18 დეკემბრიდან გამოაცხადა, რომლის მიზანია გაზარდოს საზოგადოების ცნობიერების დონე აუტიზმთან დაკავშირებით. ასევე, ხელი შეუწყოს აუტიზმის მქონე ადამიანების უფლებების დაცვასა და რეალიზაციას.

ტრენინგს მოწვეული ტრენერი მერი ჩიმაკაძე უძღვებოდა.

ღონისძიება განათლების, კულტურის, სპორტის, ტურიზმის, ახალგაზრდულ საკითხთა და ძეგლთა დაცვის სამსახურის კულტურული ღონისძიებების მიზნობრივი პროგრამის ფარგლებში გაიმართა.