აჭარის ა რ მთავრობის ინიციატივით, დაბა ქედაში, ეკომიგრანტთა ბინაში მცხოვრებ 15 სოციალურად დაუცველ ოჯახს, დღეს საახალწლო ნობათები ქედის მერმა ლევან გორგილაძემ, მოადგილე გურამ ბერიძემ, საკრებულოს თავმჯდომარის მოადგილე რომან დავითაძემ, ასევე ჯანმრთელობისა და სოციალური დაცვის სამსახურის წარმომადგენლებმა ბინაზე გადასცეს და ახალი წლის დადგომა მიულოცეს. ,,9 აპრილის ქუჩაზე მდებარე ეკომიგრანტთა ბინაში, 64 ოჯახი ცხოვრობს, მათგან სამწუხაროდ 15 სოციალურად დაუცველის სტატუსს ატარებს. სწორედ დღეს, ბედობას გადავწყვიტეთ მივსულიყავით და გაგვეხარებინა ეს ოჯახები! ვუსურვებ ყველა მათგანს წარმატებებს, ხვავს, ბარაქას და მომდევნო წლებში სოციალურ-ეკონომიკური მდგომარეობის გაუმჯობესებას!.." - აღნიშნა ქედის მერმა. მოულოდნელმა ვიზიტმა ოჯახები ემოციურად განაწყო. მათ რეგიონის და ადგილობრივ მთავრობას უპირველესად საცხოვრებელი ფართების გადაცემისთვის, შემდეგ კი გამოჩენილი ყურადღებისთვის გადაუხადეს მადლობა.