„ქალთა სოციალურ-ეკონომიკური გაძლიერება/ხელშეწყობის“ პროგრამის ფარგლებში, საკონკურსო კომისიის წევრებმა პროექტის მეორე ეტაპის, წარმოდგენილი იდეების შეფასების მიზნით, მონიტორინგი განახორციელეს. კომისიის წევრები იდეის ავტორებს ადგილზე ეწვივნენ, რათა უშუალოდ გაეცნონ ინიციატივებს და შეაფასონ მათი განხორციელების შესაძლებლობები.

მონიტორინგის დასრულების შემდეგ, პროგრამის ფარგლებში დაგეგმილია პროექტის ავტორებთან ინდივიდუალური გასაუბრება, რომლის შედეგადაც საუკეთესო იდეები დასაფინანსებლად შეირჩევა.

მიმდინარე წელს, სულ 25 განაცხადი შემოვიდა.

პროგრამის ბიუჯეტი 45,000 ლარს შეადგენს.