ქედაში, საქართველოს საუნივერსიტეტო სპორტის ფედერაციის ინიციატივითა და ქედის მუნიციპალიტეტის მერიის მხარდაჭერით კამპანია ,,არა ნარკოტიკს“ ფარგლებში მუნიციპალიტეტის ჩემპიონატი მინი ფეხბურთში გაიმართა.

ჩემპიონატის მთავარი მიზანია ახალგაზრდებში ჯანსაღი ცხოვრების წესის პოპულარიზაცია.

ქედაში სულ ექვსმა გუნდმა იასპარეზა. ტურნირის გამარჯვებული ქედა ბეთლემი გახდა, მეორე პოზიცია მახუნცეთის გუნდმა დაიკავა, ხოლო მესამე ქედა ტაიგერებს ხვდა წილად.

ჩემპიონატი ოლიმპიური სისტემით მიმდინარეობს. მოხდა მუნიციპალიტეტის ჩემპიონი გუნდის გამოვლენა.

მუნიციპალიტეტების ჩემპიონი გუნდები იასპარეზებენ რეგიონულ პირველობაზე, ხოლო ფინალურ ეტაპზე გამარჯვებული გუნდი მონაწილეობას მიიღებს საქართველოს ჩემპიონატში.