საზეიმო პროგრამა სიმბოლურად, ყადირ შერვაშიძის სახელობის სკვერში გაიხსნა. ყადირ შერვაშიძემ საქართველოს დამოუკიდებლობის აქტს ხელი მოაწერა და მნიშვნელოვანი წვლილი შეიტანა ქვეყნის დამოუკიდებლობის მოპოვებაში.

,,ეს დღე ჩვენი ქვეყნის ეროვნულ ღირსებასთან, თვითმყოფადობასთან - თავისუფლებისთვის მრავალსაუკუნოვან ბრძოლასა და გამარჯვებასთან ასოცირდება. ეს არის დღე, რომელიც გვაერთიანებს და გვახსენებს მთავარ ღირებულებებს - მამულს, ენას და სარწმუნოებას. ვულოცავ სრულიად საქართველოს და დარწმუნებული ვარ, მომავლის ისტორია კვლავ დაიწერება ჩვენი სამშობლოს გამარჯვებებით" - აღნიშნა სიტყვით გამოსვლისას, ქედის მუნიციპალიტეტის მერმა, როლანდ ბერიძემ.

ღონისძიების ფარგლებში, ქორეოგრაფიულმა ანსამბლმა ,,საუნჯემ” მოაწყო მსვლელობა ცეკვა ,,განდაგანას“ შესრულებით.

ღონისძიებას თვითმმართველობის ხელმძღვანელი პირები, საკრებულოს თავმჯდომარე, ამირან ცინცაძე, აჭარის უმაღლეს საბჭოში დელეგატი, მამუკა თურმანიძე, საჯარო მოხელეები და საზოგადოების წევრები ესწრებოდნენ.