ქედის მუნიციპალიტეტის მერმა როლანდ ბერიძემ, პირველ მოადგილესთან იმედა ვასაძესთან ერთად სტრუქტურული ერთეულების და მუნიციპალური ორგანიზაციების ხელმძღვანელებთან სამუშაო შეხვედრა გამართა.

შეხვედრის ფარგლებში განიხილეს მუნიციპალურ ორგანიზაციებში არსებული მდგომარეობა, მათ შორის ინფრასტრუქტურული პროექტების მიმდინარეობა და სარეაბილიტაციო სამუშაოები.

იმსჯელეს ჯანდაცვის პროგრამების განხორციელების, მოქალაქეებისთვის ხარისხიანი და დროული სერვისების მიწოდების, ასევე კულტურული ღონისძიებების ორგანიზების შესახებ.

განსაკუთრებული ყურადღება გამახვილდა მოახლოებული სახალხო დღესასწაულების საორგანიზაციო საკითხებზე. ღონისძიების ორგანიზებულად და გამართულად ჩატარების მიზნით მერმა, შესაბამის სამსახურებს კონკრეტული დავალებები მისცა.