ბავშვთა დაცვის საერთაშორისო დღე, ფრიდონ ხალვაშის სახელობის ცენტრალურ პარკში სხვადასხვა აქტივობებით აღინიშნა.

ღონისძიება დაბა ქედის N1 ბაგა-ბაღის აღსაზრდელების სიმღერით გაიხსნა. წარმოდგენილი იყო ქედის სახელოვნებო სკოლასთან არსებული ბავშვთა ფოლკლორული ანსამბლების, ქედის კულტურის ცენტრთან არსებული ბავშვთა საესტრადო ანსამბლების და ინდივიდუალური შემსრულებლების კონცერტი, ასევე ბავშვებმა წაიკითხეს ლექსები.

ღონისძიება ყველა ასაკის ბავშვზე იყო გათვლილი. დღის განმავლობაში ბავშვები აქტიურად იყვნენ ჩართული ანიმატორის და მულტფილმის გმირების მიერ მოწყობილ გასართობ თამაშებში, მოეწყო სახეზე ხატვა.

პარკში განთავსებულ დეკორაციულ სივრცეებთან და ხატვის კუთხესთან მოეწყო ფოტოსესია.

ბავშვთა დაცვის საერთშორისო დღე, ბავშვებს ქედის მუნიციპალიტეტის მერმა მამუკა თურმანიძემ და საკრებულოს თავმჯდომარე ამირან ცინცაძემ მიულოცა.

ღონისძიების დასასრულს ბავშვებს დაურიგდათ ნაყინი.