დღეს, აუტიზმის შესახებ ცნობადობის ამაღლების საერთაშორისო დღეა.

ზვარის ადმინისტრაციულ ერთეულში, აუტიზმის შესახებ ცნობიერების ამაღლების მიზნით, ტრენინგი თემაზე: აუტიზმის ადრეული ნიშნების ამოცნობა და მართვა გაიმართა.

ტრენინგს უძღვებოდა მოწვეული ფსიქოლოგი და ქცევითი თერაპევტი მარიკა კეკელიძე, რომელმაც დამსწრეებს გააცნო აუტიზმის ადრეული გამოვლენის მნიშვნელობა, ძირითადი ნიშნები და მართვის თანამედროვე მიდგომები.

აღსანიშნავია, რომ 2007 წლის 18 დეკემბერს გაეროს გენერალურმა ასამბლეამ 2 აპრილი აუტიზმის მსოფლიო ცნობადობის დღედ გამოაცხადა, რომლის მიზანია საზოგადოებაში ინფორმირებულობის გაზრდა და აუტიზმის მქონე ადამიანთა მხარდაჭერის ხელშეწყობა.

ღონისძიება განათლების, კულტურის, სპორტის, ტურიზმის, ახალგაზრდულ საკითხთა და ძეგლთა დაცვის სამსახურის კულტურული ღონისძიებების მიზნობრივი პროგრამის ფარგლებში გაიმართა.