გენდერული თანასწორობის საბჭოგენდერული საბჭოს 2023 წლის პირველი სხდომა გაიმართა
დღეს, ქედის მუნიციპალიტეტის გენდერული საბჭოს 2023 წლის პირველი სხდომა გაიმართა, რომელსაც საბჭოს თავმჯდომარე ოთარ ხარაძე უძღვებოდა.
საბჭომ დღის წესრიგით გათვალისწინებული 2 საკითხი განიხილა:
გენდერული თანასწორობის საბჭოს პერსონალური შემადგენლობის ფორმირება,
2023 წლის ,,სოფლის მხარდაჭერის პროგრამით“ გათვალისწინებულ დასახლებათა საერთო კრებებში ქალთა ჩართულობის ხელშეწყობა და უზრუნველყოფა.
გენდერული საბჭოს შემადგენლობაში ცვლილება განხორციელდა, კერძოდ დაემატა ორი ახალი წევრი: ფრაქცია ,,ქართული ოცნების" თავმჯდომარე ლევან ვერძაძე და ადმინისტრაციული სამსახურის მეორე კატეგორიის უფროსი სპეციალისტი გენდერული თანასწორობის საკითხებში მირანდა ფარტენაძე.
წევრებმა ასევე, ხაზი გაუსვეს მიმდინარე წლის ,,სოფლის მხარდაჭერის პროგრამით“ გათვალისწინებულ დასახლებათა საერთო კრებებში ქალთა ჩართულობის აუცილებლობაზე.
