მონაწილეობითი ბიუჯეტის პროგრამის ფარგლებში გამართული კენჭისყრის პროცესი დასრულდა. საბჭომ ბიულეტენების დათვლის შემდგომ, გამარჯვებული იდეები უკვე გამოავლინა.

აღსანიშნავია, რომ მიუხედავად საპილოტე პროგრამისა, მაღალი იყო მოქალაქეთა ჩართულობა როგორც იდეების დარეგისტრირების პროცესში, ასევე ხმის მიცემის კუთხით.

დაბა ქედაში კენჭისყრის პროცესში 412 მოქალაქე მონაწილეობდა, ჯამში 56 %;

მათგან: 376 ხმით უპირატესი გამარჯვება მოიპოვა პროექტმა - სპორტულ-გამაჯანსაღებელი ცენტრის მოწყობა / სპორტულ გამაჯანსაღებელი ცენტრის მოწყობა ქალებისთვის - ავტორები: მარიეტა ჯაყელი / მარი გორაძე;

- 24 ხმა მიიღო იდეამ - ეკნარას უბანში თავშეყრის ადგილისა და სკვერის მოწყობა - ავტორი თენგიზ თედორაძე;

- 11 ხმა მოიპოვა 26 მაისის ქუჩაზე, ბავშვთა გასართობი სკვერის მოწყობის იდეამ - ავტორი ხათუნა ჯოჯუა;

- ხოლო 1 ბიულეტენი ბათილად იქნა ცნობილი.

დოლოგნის ადმინისტრაციულ ერთეულში - სოფელ ჭინკაძეებში, ჭალახმელასა და დოლოგანში, კენჭისყრის პროცესში 540 მოქალაქე მონაწილეობდა, ჯამში 79%.

დარეგისტრირებულ 7 იდეას შორის, მხოლოდ ოთხმა პროექტმა გაიმარჯვა:

• დოხოძეებში - შიდა გზების მოწესრიგება - ავტორი გივი ლორთქიფანიძე (138 ხმით);
• ჭინკაძეებში - გარე განათების ქსელის მოწყობა - ავტორი რამაზ მიქელაძე (137 ხმით);
• ჭალახმელაში - სოფელ ჭალახმელაში მდინარის დამცავი ჯებირის აგება / სავარგულების დამცავი ჯებირის აგება - ავტორები: ტარიელ ბედინაძე / ფატი ბედინაძე (89 ხმით);
• დოლოგანი - სოფელ დოლოგნის ცენტრის კეთილმოწყობა - ავტორი მანუჩარ კოჩაძე (83 ხმით);