ქედის მუნიციპალიტეტის გამგეობის მიზნობრივი პროგრამის ფარგლებში, ტრადიციულად აღდგომის დღესასწაულს გამგეობის ჯანმრთელობისა და სოციალური დაცვის სამსახურის ერთ-ერთი პროგრამის - ,,უფასო სასადილოს" 26 ბენეფიციარს, პასქით, შეღებილი კვერცხითა და ტკბილეულობით უმასპინძლდებიან. დღეს სასადილოს გამგებლის მოადგილე მამუკა ფარტენაძე სტრუქტურული ერთეულების ხელმძღვანელებთან ერთად ეწვია და ბენეფიციარებს აღდგომის ბრწყინვალე დღესასწაული მიულოცა. ,,ქრისტე აღსდგა! მადლობა, რომ ყველა დღესასწაულს საჩუქრებით გვილოცავთ, გახსოვართ, ზრუნავთ ჩვენზე... " - აღნიშნა ბენეფიციარმა მერი გორგაძემ. ღონისძიების ბიუჯეტი 458 ლარია.