მარო კვაჭაძეს - უხუცესი პედაგოგი; მიხეილ მახარაძეს - ლექტორი, მუნიციპალიტეტის ყოფილი ხელმძღვანელი პირი; გრიგოლი-ენრიკე ბერიძეს - ბიზნესმენი, ზესოფლის წმ. სერაფიმ საროველის სახელობის ტაძრის მშენებლობის შემწირველი; ანზორ მანველიძეს - ქირურგი; ნოდარ ბასილაძეს - ლექტორი - დღეს, ქედის გამგეობაში მოქმედი სპეციალური კომისიისა და მრჩეველთა საბჭოს გადაწყვეტილებით, მუნიციპალიტეტის სოციალურ-ეკონომიკური და კულტურული განვითარებისთვის გაწეული განსაკუთრებული ღვაწლისთვის, საპატიო ქედელის წოდებები მიენიჭათ. საპატიო ქედელებს დღევანდელი დღე მიულოცეს და დაჯილდოების ცერემონიალში მონაწილეობა მიიღეს აჭარის ა რ მთავრობის თავმჯდომარე ზურაბ პატარაძემ, უმაღლესი საბჭოს თავმჯდომარემ დავით გაბაიძემ, მუნიციპალიტეტის გამგებელმა დავით დუმბაძემ და ახლად არჩეულმა მერმა ლევან გორგილაძემ.