ქედაში მოქალაქეები მაღალი სოციალური პასუხისმგებლობითა და სამოქალაქო თვითშეგნებით გამოირჩევიან, რაც უფრო ნათლად წარმოჩნდა ბოლო პერიოდში, ახალი კორონავირუსის (COVID-19) პრევენციის ღონისძიებებსა თუ ადგილობრივი მოსახლეობის დასახმარებელ აქციებში.

თავდაპირველად დარეგისტრირდა 50 მოხალისე, რომლებმაც სპეციალური ტრენინგები გაიარეს, ხოლო 10-მდე ფიზიკურმა თუ იურიდიულმა პირმა სურსათის კალათები მერიასთან თანამშრომლობით მოამზადა და მოწყვლად ჯგუფებს უკვე გადასცა.

აღსანიშნავია, რომ სოციალური პასუხისმგებლობის ფარგლებში, ამ დროისთვის 300-მდე ადგილობრივის დახმარება შევძელით, რისთვისაც ქედის თვითმმართველობა მადლობას უხდის მაღალი პასუხისმგებლობის მქონე ორგანიზაციებსა და პირებს.

განსაკუთრებული მადლობა მეზღვაურს - როინ ირემაძეს, რომელმაც რისკჯგუფში მყოფ 105 თანასოფლელს, ზედა და ქვედა მახუნცეთში უსასყიდლოდ გადასცა პურის ფქვილის ტომრები.

ქედაში 751 მოქალაქეს კი, სურსათის კალათა აჭარის მთავრობის ინიციატივით გადაეცა.