,,შინ მოვლის" პროგრამის ბენეფიციარები, როგორც დაანონსებული იყო, ქედაში საქართველოს მასშტაბით უპრეცენდენტო სერვისით ისარგებლებენ. კომფორტული, ყელზე ჩამოსაკიდი განგაშის ზარის განმახორციელებელი მოწყობილობით, სერვისით მოსარგებლეებს შეეძლებათ ხმოვანი შეტყობინება გაგზავნონ პირდაპირ მოხალისესთან, სოფლის ექთანთან ან სახანძრო-სამაშველო სამსახურთან. რაც შეამცირებს ჯანმრთელობის გაუარესების, ძალადობის, კრიმინალის, უბედური შემთხვევისა და ა.შ. რისკს. განგაშის აპარატის გამოყენების შესახებ ტრენინგი არასამთავრობო ორგანიზაცია ,,დახმარების ეროვნული ფონდის ორგანიზებით", ქედელ მოხალისეებს 25 ივნისს ჩაუტარდათ. სერვისი ერთგვარ სატესტო რეჟიმში წარიმართება. ბენეფიციარები ახალი სერვისით სარგებლობას უახლოეს დღეებში შეძლებენ. პროექტი ქედაში ევროკავშირის (EU) ფინანსური მხარდაჭერით, არბაითერ - სამარიტერ - ბუნდის (ASB) საქართველოში, საქართველოს სტრატეგიული კვლევებისა და განვითარების ცენტრისა და ადგილობრივ ხე