,,ქედის მუნიციპალიტეტის საკუთრებაში არსებული საცხოვრებელი ფართობების უსასყიდლოდ საკუთრებაში გადაცემის მიზნით, მუნიციპალიტეტის მერიაში დაინტერესებული პირების მიერ შემოტანილი განცხადებების შემსწავლელი, შესაბამისი პირების/ოჯახების შერჩევისა და მათზე საცხოვრებელი ფართობების გამანაწილებელი შერეული კომისიის" საბოლოო სხდომა გაიმართა დღეს ქედის მერიაში.

7 წევრიანი კომისია, რომლის წევრებიც არიან ქედის მერიის, საკრებულოს, აჭარის მთავრობის, სამინისტროების, სამოქალაქო სექტორისა და არასამთავრობო ორგანიზაციების წარმომადგენლები, დღეს მსჯელობდა იმ 12 ოჯახზე, რომლებსაც მალე საცხოვრებელი ფართები გადაეცემათ დაბა ქედაში, გოგებაშვილის ქუჩა N1 -ში, ყოფილი ადგილმრეწველობის შენობაში.

კომისიის საბოლოო გადაწყვეტილება უმოკლეს ვადაში გამოქვეყნდება პროაქტიულად.