ქედის მუნიციპალიტეტის საკრებულოს თავმჯდომარე შუქრი თურმანიძე საკრებულოს წევრებთან ერთად, სოფელ ჩეტკიძეებში, ხანძრის შედეგად დაზარალებულ ივანე დიასამიძის ოჯახს სტუმრობდა. ივანე დიასამიძეს საცხოვრისი მიმდინარე წლის თებერვალში ხანძრის შედეგად სრულად დაეწვა. თვითმმართველობამ 6 წევრიანი ოჯახი ქირით გაიყვანა, ხოლო სამთავრობო კომისიის გადაწყვეტილებით, კომპენსაციის სახით 10 000 ლარი გადასცა. ქედის მუნიციპალიტეტის საკრებულოს წევრების ორგანიზებით, დიასამიძეების ოჯახს ასევე ერთჯერადად გადაეცა ფულადი დახმარება. თვითმმართველობის წარმომადგენლებმა დაზარალებულ ოჯახს კომპეტენციის ფარგლებში მაქსიმალური მხხარდაჭერა აღუთქვეს.