2023 წლის 24 ნოემბერს ქედის მუნიციპალიტეტის საკრებულოს №01-06/17 მორიგი სხდომა გაიმართა, რომელსაც საკრებულოს თავმჯდომარე ამირან ცინცაძე უძღვებოდა. სხდომას საკრებულოს სიითი შემადგენლობის 21 წევრიდან 17 ესწრებოდა. საკრებულოს წევრებმა დღის წესრიგით გათვალისწინებული ორი საკითხი განიხილეს.

პირველ საკითხად საკრებულომ ხმათა აბსოლიტური უმრავლესობით დაამტკიცა ,,ქედის მუნიციპალიტეტის საკრებულოს აპარატის დებულების დამტკიცების შესახებ“ ქედის მუნიციპალიტეტის საკრებულოს 2017 წლის 25 აგვისტოს №13 დადგენილებაში ცვლილებები, რომელიც ითვალისწინებს საკრებულოს აპარატის მოქმედ დებულებაში პირველი კატეგორიის უფროსი სპეციალისტის, საზოგადოებასთან ურთიერთობის საკითხებში, თანამდებობის განსაზღვრას.

დღის წესრიგის თანახმად, ასევე განიხილეს ქედის მუნიციპალიტეტის ადგილობრივი ბიუჯეტის 2023 წლის III კვარტლის შესრულების ანგარიში, რომელიც საკრებულოს გადაწყვეტილებით დადებითად იქნა შეფასებული.