ქედის მუნიციპალიტეტის მერმა, როლანდ ბერიძემ, მუნიციპალურ ორგანიზაციებს, სამსახურის უფროსებსა და მერის წარმომადგენლებს მოადგილეები წარუდგინა.

პირველი მოადგილის პოზიციაზე იმედა ვასაძე დაინიშნა. 2012 წლიდან 2020 წლამდე საბანკო სფეროში, ხოლო 2020 წლიდან დღემდე მთავრობის აპარატში.

მერის მოადგილის პოზიციაზე მუშაობას მამუკა ფარტენაძე გააგრძელებს, რომელიც 2013 წლიდან მუშაობს.

,,წარმატებები მინდა ვუსურვო მოადგილეებს. მე დარწმუნებული ვარ მათ პროფესიონალიზმსა და საქმისადმი ერთგულებაში. ჩვენს მუნიციპალიტეტში, ერთიანი ძალისხმევით ბევრ სასიკეთო საქმეს გავაკეთებთ- “- აღნიშნა როლანდ ბერიძემ.