ქედის მუნიციპალიტეტის გამგეობის სააქტო დარბაზში, დღეს საქართველოსა და აჭარის საჯარო მოსამსახურეთა პროფესიული კავშირების ორგანიზებით, ადგილობრივი თვითმმართველობის მოხელეებისთვის სემინარი გაიმართა. აჭარის პროფესიული კავშირების გაერთიანების იურიდიული დეპარტამენტის იურისტმა საჯარო მოხელეებს "საჯარო სამსახურის შესახებ" საქართველოს კანონის ახალი რეგულაციების შესახებ მიაწოდა ინფორმაცია. პროფესიული კავშირების საქმიანობის მიზნებსა და ამოცანებზე ისაუბრა საჯარო მოსამსახურეთა პროფესიული კავშირის თავმჯდომარე ნუკრი ჭინჭარაულმა. სემინარი ინტერაქტიულ რეჟიმში წარიმართა. მოხელეებს ჰქონდათ შესაძლებლობა მათთვის საინტერესო კითხვაზე ამომწურავი პასუხები მიეღოთ. ქედის მუნიციპალიტეტის თვითმმართველობაში 1 წელია, რაც პროფკავშირების რაიონული ორგანიზაცია შეიქმნა, რომელშიც 20 წევრი იყო გაერთანებული. თუმცა დღეს 15 მოხელემ გამოთქვა სურვილი და შესაბამისად, ახალი წევრები შეემატა. სემინარს ესწრებოდა მუნიციპალიტეტის გამგებელი დავით დუმბაძე. მოგვიანებით კი აჭარის პროფგაერთიანების თავმჯდომარე ილია ვერძაძე შეუერთდა.